Olaberriko herri eskolako Kuttun guraso elkarteak Hezkuntza Praktika Onen lehen lehiaketan hirugarren saria jaso zuen herenegun Bilbon, Euskal Eskola Publikoaren jaian. Kuttunek garatu du lehiaketara aurkeztu dituzten 27 proiektuetatik bat, Olaberria Zeba zenekoa.
Ipuin modura kontatzen du herriaren historiako pasarte bat. Irakurtzen ez dakiten haurrentzat DVDan formatuan argitaratu dute batetik, eta helduagoentzat liburuxkan bestetik.
Saria jaso duen lana sorta bateko lehen fruitua da soilik, jarraipena izango baitu. Olaberriko haurrek herriaren iraganaren berri jakiteko ikasgaia sortzea zen helburu bat, eta horretan ahalik eta guraso gehienek parte hartzea ere bai. Gurasoei bideo grabazioak egin dizkiete, istorioak konta ditzaten. Horiek bildu dituzte ipuinean.
Herriko historia biltzeko egitasmoa du esku artean Kuttunek, bertako istorio, elezahar, adinekoen testigantza eta bibliografiaren bitartez. Edukia ipuin modura zabalduko dute gero, haurrentzat erosoen eta ulerterrazen den modua delako.
Kuttunen lehendakari Ainhoa Arrietak jaso zuen saria Bilbon, Isabel Zelaa sailburua, Ana Puente guraso elkarteen konfederaziokoa eta Iñaki Azkuna alkatea buru zirela. Eskola txiki guztiei eskaini zien saria Arrietak.
Aretxabaletako Kurtzebarri guraso elkarteak eta Bilboko Juan Delmas elkarteak jaso dituzte aurreneko bi sariak.
Museoen Nazioarteko egunean doako bisitak eta jarduera bereziak egiten ari dira Turistek eta donostiarrek museoez gozatzeko egun polita dute gaur. San Telmo Museoan doako bisita gidatuak egiten ari dira, eta sarrera ere doan da. Berritze lanen azalpenak, eta eraikinaren sekretuak ezagutzeko aukera eman diete bisitariei. Arratsaldean, 17:00etan euskarazko bisita gidatua egingo dute eraikinaren arkitekturaren inguruan. Ordu [...]
Hogeitahirugarren urtez jarraian Kultura Sailaren eskutik Herri Kanta Jaialdia egingo dute etzi, goizeko hamaiketatik aurrera, Gipuzkoa plazan. Bederatzi abesbatzak parte hartuko dute, guztira: Kasino Zaharra, Amuitz, Kardiñeruak, Surbesta, Zumardi, Klink, Xarmanta, Olagarro eta Goxoki. Horiek ordena horretan ariko dira zuzenean abesten, eta talde bakoitzak bi kanta abestuko ditu. Emanaldia bukatzeko, denek, bai abesbatzetako kideek, eta [...]
Goierriko Hitza
Goierri Ekialdeko Hitza
Aimar Maiz